Bakkafrost: Meiri skattur og minni avlop

Skattahækkingar í ár gera, at minni er eftir av avlopinum hjá Bakkafrosti í ár enn í fjør. 

Fyrra hálvárið í ár gav raksturin hjá Bakkafrost-samtakinum 398 milliónir krónur. Men eftir skatt vóru 53 prosent eftir av teimum pengunum.

Í fjør var vinningurin 274 milliónir frá 1.januar til 30.juni, men tá skatturin var farin av, vóru 92 prosent eftir av avlopinum.

Sambært Bakkafrosti er hægri skattur høvuðsorsøkin til úrslitið eftir skatt í ár. 213 av teimum 398 milliónunum eru eftir, tá skatturin er tikin.