16 vilja vera sendimaður í Moskva

16 umsóknir eru til starvið sum sendimaður á nýggju sendistovu Føroya í Moskva.

Freistin at søkja starvið var úti á middegi í dag.

Uppgávurnar hjá sendimanninum verða at virka sambært uttanríkispolitikki Føroya, at umboða føroyskar myndugleikar mótvegis russiskum myndugleikum og øðrum sendistovum í Moskva, og at røkja sambond við russiskt vinnulív og mentanarlív.

Starvið verður sett frá 1. november, ella so skjótt sum til ber, sigur Løgmansskrivstovan.