Starvsfólk í SMS skuldsett fyri milliónasvik

<p>Talan er um handilin Miklagarð, og sambært Jón Klein Olsen, kanningarleiðara hjá politinum, er talan um ein 33 ára gamlan mann, sum hevur svikað fyri umleið eina millión krónur.</p>

<p>Málið varð meldað til løgregluna tann 11. august. Maðurin er avhoyrdur av løgregluni, men situr ikki í varðhaldi. Tað metir løgreglan ikki er neyðugt. Løgreglan fær tó ikki sagt, um maðurin játtar seg sekan.</p>

<p>Hvussu svikið er farið fram, vil Jón Klein Olsen ikki nágreina - men hann váttar, at talan er um svik við lottoseðlum. Málið skal í næstum latast ákæruvaldinum. Tað verður gjørt, tá løgreglan hevur fingið neyðugu prógvini og dokumentatiónina til vega.</p>