Landsstýrismaðurin: Túratalið verður ikki skert

<p>Stendur tað til landsstýrismannin í samferðslumálum, Johan Dahl, verður túratalið hjá Smyrli ikki skert. Tað sigur Johan Dahl í svari til Henrik Old úr Javnaðarflokkinum, sum spurdi um túratalið hjá Smyrli.</p>

<p>Johan Dahl sigur, at nýggju hvílitíðarreglurnar kunnu vísa seg at vera ein avbjóðing, men avgjørt er at halda fast við galdandi ferðaætlan og at hava somu manning sum nú.</p>

<p><strong>SÍ EISINI <a href="http://kvf.fo/greinar/2014/09/25/henrik-old-spyr-um-turatalid-hja-smyrli... Old spyr um túratalið hjá Smyrli</a></strong></p>

<p>Strandferðslan skal nýta næsta árið at gera sær royndir við nýggju reglunum og samstarvinum við Sjóvinnustýrið, sum umsitur hvílitíðarreglurnar.</p>

<p>Vísir tað seg neyðugt at laga arbeiðsætlanirnar til, kann tað gerast, tá Strandferðslan hevur fingið neyðugu royndirnar eftir siglingina í vetur, sigur Johan Dahl.</p>