Grót frá Dalsvegnum í Húsavíkarvegin

Avgjørt er at taka av eini sýnu nærindis Húsavík. Tilfarið er brúkt til at breiðka og javna Húsavíkarvegin. skrivar Sandportal.fo.

Ætlanir hava eisini verið um at tryggja Dalsbergið, men tað er dýrt, og krevur serliga játtan. Landsverk hevur mælt til, at peningur verður settur av til kanningar, og at arbeiðið verður gjørt frá 2018-22. 

Í íløguætlan landstýrisins frá mars 2012 er ætlanin at seta av pening til at tryggja Dalsvegin frá 2016 til 2022. 

Skarvanesvegurin er ikki í hóskandi standi, men hann er tryggur, sigur Landsverk, sum fer at bøta um asfaltlagið á vegnum næsta ár. 

Landsverk mælir til at tryggja Skarvanesvegin. Tó eru aðrir vegir við meira ferðslu - eitt nú Dalsvegurin - raðfestir fremri, skrivar Sandportal.fo.