Liggur framvegis í Lerwick

Uppsjóvarskipið Christian í Grótinum liggur framvegis í Lerwick í Hetlandi, hagar skotska fiskiveiðieftirlitið gav skipinum boð um at fara seinnapartin sunnudagin, tá Christian í Grótinum annars var á veg heim úr bretskum sjógvi.

Eyðun Rasmussen, reiðari, sigur, at fiskiveiðieftirlitið í Lerwick skal koma við einari frágreiðing nú klokkan níggju. Ta frágreiðingina fær ákæruvaldið, sum so á middegi í dag skal koma við einari fráboðan.

Skiparin á Christiani á Grótinum og ein advokatur í Lerwick vóru á fundi við fiskiveiðueftirlitið í gjár.

Sum skilst eru skotsku myndugleikarnir í iva, tí Christian í Grótinum virkar makrelin umborð.

Christian í Grótinum hevur eisini 300 tons av ófrystum makreli.