Fleiri fundir um fiskivinnunýskipanina

Samgongan er ikki komin á mál við nýggja fiskivinnupolitikkinum, og fundur verður aftur í næstu viku.

Mánadagin og í gjár vóru sjey samgongumenn í Skálavík fyri at tosa um nýskipanina, sum skal vera liðug fyri 1.februar næsta ár.

Jacob Vestergaard, landsstýrismaður í fiskivinnumálum, sigur, at enn er ikki komið á mál, og tí vera fleiri fundir.

Teir sjey, sum vóru í Skálavík, eru, umframt Jacob Vestergaard, Jørgen Niclasen og Jákup Mikkelsen fyri Fólkaflokkin, Kaj Leo Holm Johannesen, Alfred Olsen og Johan Dahl fyri Sambandsflokkin og Bill Justinussen fyri Miðflokkin. Jenis av Rana plagar eisini at vera við á fundunum um fiskivinnunýskipanina, men hann var burturstaddur hesaferð.