Oljuprísurin lækkar framvegis

Oljuprísurin lækkar framvegis
Høvuðsorsøkin er, at USA er farið at økja sín part av skiferolju
 
12.11.2014 - 14:34

Hóast altjóða orkufelagskapurin ávarar ímóti lækkandi oljuprísunum, so halda prísirnir fram at falla.

Í morgun var oljuprísurin farin niður um 81 dollarar fyri tunnuna, og tað er lægsti prísurin seinastu fýra árini.

IEA vil vera við, at fer prísurin ov langt niður, so fer støðan at gerast torfør í árunum sum koma, tí alt ov lítið av olju verður at fáa.

Tørvurin veksur

IEA hevur roknað út, at í 2040 verður tørvur á 104 milliónum tunnum av olju um dagin. Nú er tørvurin 90 milliónir tunnur um dagin.

Størsta orsøkin til, at oljuprísurin lækkar, er, at USA støðugt økir sín part av skiferolju, og tí ikki innflytur so nógva olju longur.

Altjóða orkustovnurin sigur, at neyðugt er við íløgum fyri 900 milliardir dollarar í oljuvinnuna um árið, um nóg mikið av olju skal kunna keypast um 20 ár.

Lækkar oljuprísurin ov nógv, so verða færri íløgur gjørdar, sigur IEA.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214