Makrelsamráðingar aftur í næstu viku

Makrelsamráðingar aftur í næstu viku
Svartkjafturin og norðhavssildin eru á skránni í desember
Týsdagin fer Jacob Vestergaard, landsstýrismaður, at ráðføra seg við Uttanlandsnevndina hjá løgtinginum um svartkjaftabýtið
 
13.11.2014 - 13:58

Fríggjadagin í næstu viku taka Føroyar, ES og Noreg upp aftur samráðingarnar um makrelin, sum endaðu úrslitaleysar í London 24.oktober.

Ísland er ikki boðið við á fundin, sum verður í Bergen. Ísland var ikki við í fimm ára semjuni, sum hini trý strandarlondini gjørdu á grækarismessu í ár.  

Ætlanin er at gera enn eina roynd at áseta heildarkvotuna fyri 2015 á fundinum í Bergen um eina góða viku. 

ES, Noreg og Føroyar hava longu avgjørt, hvussu stóran part, hvussu nógv prosent av heildarkvotuni, tey eiga.

Svartkjaftur og norðhavssild

15. og 16.desember fara strandarlondini at samráðast um svartkjaft og 17. og 18.desember um norðhavssild. Tær samráðingarnar vera í London.

Týsdagin fer Jacob Vestergaard, landsstýrismaður, at ráðføra seg við Uttanlandsnevndina hjá løgtinginum um svartkjaftabýtið í 2015 og árini eftir tað. 

Átta ára gamla semjan um svartkjaftin er farin fyri skeytið, tí ES vil, sum skilst, ikki vera við longur.

Er kopiera
Nýggjastu sendingar í ÚV
Hósdag 27. februar
Góðan morgun Føroyar
188367
Hósdag 27. februar
Morgunlestur hósdagur 27. februar 2025
187867
Mikudag 26. februar
Skratsj 26. februar 2025
188341
Mikudag 26. februar
Mono - Føroyskar perlur (3:4)
188335
Nýggjastu sendingar í SV
Hósdag 27. februar
Hvíta gullið
188389
Hósdag 27. februar
DOKO1423 - teknmálstulkað
188375
Hósdag 27. februar
Morgunkórið
188372
Mikudag 26. februar
Ein søga um 45 ár
188344