Stovnar og aðalráð halda ikki reglur um KT-trygd

19.11.2014 - 07:50
AktueltSamfelag
Stovnar og aðalráð halda ikki reglur um KT-trygd
Avleiðingin kann verða, at KT-raksturin ikki verður stuðlaður nóg væl, og vandi er fyri at missa dátur, sigur Vinnumálaráðið
 

Sjey ár eftir, at Vinnumálaráðið bað almennar stovnar og aðalráðini tryggja síni KT-viðurskifti, staðfestir Landsgrannskoðanin, at rundskrivið hjá Vinnumálaráðnum “um at seta í verk KT trygd” verður ikki hildið.

Rundskrivið er dagfest 1.juli í 2007. 

Landsgrannskoðanin hevur kannað KT trygdina hjá 14 almennum stovnum og trimum aðalráðum. 

Niðurstøðan er, at rundskrivið frá Vinnumálaráðnum verður ikki hildið.

Vandi fyri at missa dátur

Avleiðingin av tí kann verða, at KT-raksturin ikki verður stuðlaður nóg væl, og vandi er fyri at missa dátur. 

Kanningin vísir, at stovnarnir í ein ávísan mun hava gjørt, ella eru í ferð við at gera, váðametingar, men bara fáir hava gjørt virkisætlanir um at minka staðfestu vandarnar. 

Landsgrannskoðanin staðfesti eisini, at á nógvum økjum, so sum at stýra atgongdum, broyta skipanir og skjalfesting, er gjørligt at hækka trygdarstigið nógv, uttan tað krevur stórvegis arbeiðsorku. 

Seinni í ár fáa løgtingsgrannskoðararnir eitt upprit frá Landsgrannskoðanini um KT trygdina hjá tí almenna. Uppritið verður eisini almannakunngjørt tá.
 

Er kopiera
Nýggjastu sendingar í ÚV
Týsdag 7. desember
Morgunlestur týsdagur 7.desember 2021
132315
Mánadag 6. desember
NiviNaja 5. partur
33706
Mánadag 6. desember
Við Tórði á túri eftir jólamati
132371
Mánadag 6. desember
Hvar gongur markið?
132367
Mánadag 6. desember
Norðurljóð 6.desember 2021
132261
Nýggjastu sendingar í SV
Mánadag 6. desember
3-2
132386
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320