Colibakteriur í dadlum

Matvørumyndugleikin ávarar móti ávísum slag av dadlum, sum eisini er selt í Føroyum.

Talan er um dadlur av slagnum Fontana í eskjum við 600 grammum í. 

Coop Danmark hevur funnið sjúkuelvandi colibakteriur í einum sýni av dadlunum, og afturkallar tí vøruna.

Slíkar colibakteriur kunnu elva til leyst lív, og í ringasta føri kunnu nýrini ganga fyri.

Fólk, sum hava hesar dadlur, eiga at beina tær burtur, ella lata handlinum tær aftur.

Á heimasíðuni hjá Heilsufrøðiligu starvsstovuni, hfs.fo, eru upplýsingar um matvørur, sum mælt verður frá at eta.