Grønland, Ísland og Russland ikki nøgd við býtið

Grønland ætlar sær okkurt um 100.000 tons aftur næsta ár, sigur Jørgen Isak Olsen, aðalstjóri í grønlendska fiskimálaráðnum, við KNR, grønlendska kringvarpið. Knappliga 80.000 tons av makreli vórðu fiskað í grønlendskum sjógvi í ár.

Men landstingsval er í Grønlandi í dag, so eitt nýtt landsstýri fer endaliga at avgera, hvussu stór makrelkvotan verður næsta ár.   

Íslendska kvotan í ár var 154.000 tons, og hon varð fiskað. Einki bendir á, at Ísland ætlar sær minni næsta ár. 

Og Russland eigur sambært galdandi býti 45.000 tons. 

Sambært hesum áttu 300.000 tons, og ikki 164.000 tons, at verið sett av til Grønlands, Íslands og Russlands. 

Men ES, norra og Føroyar góðtaka ikki kvoturnar, sum Ísland og Grønland áseta sær.