Vilja hava Siumut og IA at skipa landsstýri

Vilja hava Siumut og IA at skipa landsstýri
Teir báðir størstu flokkarnir hava 11 tingsessir hvør í nývalda grønlendska landstinginum
 
01.12.2014 - 09:56

Kim Kielsen, formaður í Siumut, og Sara Olsvig, forkvinna í IA, eru undir stórum trýsti at skipa eina breiða samgongustjórn eftir landstingsvalið í Grønlandi fríggjadagin.

Siumut fekk flestar atkvøður á valinum, men Siumut og IA hava 11 sessir hvør í nývalda tinginum.

Grønlendska vinnulívið vónar, at Siumut og IA skipa landsstýri, til tess at fáa álit aftur á búskapin. Hetta er eisini galdandi fyri útlendingar, sum ætla at gera íløgur í Grønlandi, sigur grønlendska arbeiðsgevarafelagið við Børsen. 

Dagin eftir valið ynskti Martin Lidegaard, uttanríkisráðharri, grønlendingum til lukku við valúrslitinum. Hann vísti eisini á, at tað er best at skipa eina breiða samgongu. Framsøgufólk í grønlendskum málum í fólkatinginum - frá Eindarlistanum til Vinstraflokkin - halda somuleiðis, at Kim Kielsen eigur at bjóða IA upp í landsstýrið. 

Sambært donsku politikarunum er hetta neyðugt, skal tað bera til at fremja neyðugar nýskipanir og at fáa búskapin á føtur afttur.

Blaðstjórin á grønlendska blaðnum Sermitsiaq, Poul Krarup, hevur eisini lagt seg út í orðaskiftið um landsstýrissamráðingarnar. Hann sigur, at tað tænir samfelagnum best, at Siumut og IA skipa landsstýri.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470