Smyril fær 950.000 kr. til umvælingar

Smyril fær 950.000 kr. til umvælingar
Fíggjarnevndin góðtók ikki fíggjarnevndarskjal, og tí varð eitt uppskot um eykajáttan lagt fyri tingið í staðin
 
12.12.2014 - 07:56

Løgtingið hevur einmælt samtykt at játta Strandfaraskipum landsins 950.000 kr. afturat í ár. 

Fíggjarnevndin varð biðin um at hækka játtanina til Strandfaraskip landins til óvæntaðar útreiðslur til Smyril.

Neyðugt var at fáa eitt fólk frá motorverksmiðjuni MAN at koma til Føroya at kanna høvuðsmotor fýra á Smyrli, tí hann leingi hevur havt ymsar trupulleikar.

Haraftrat er neyðugt at skifta turboløðararnar á tveimum hjálpimotorum. Hesir motorarnir verða ikki gjørdir longur, men tað er kortini eydnast Strandferðsluni at fáa fatur í tveimum nýggjum løðarum.

Góðtók ikki fíggjarnevndarskjal

Alt hetta kostar 950.000 kr., sum Strandferðslan ikki hevur. Tí varð eitt fíggjarnevndarskjal sent Fíggjarnevndini. Men Fíggjarnevndin vil ikki hava fíggjarnevndarskjøl, tá løgtingið er saman. 

Í staðin fyri broytti nevndin fíggjarnevndarskjalið til eitt lógaruppskot um eykajáttan.

Og tað uppskotið fekk allar 33 atkvøður í løgtinginum í gjár.   

Triðja viðgerð verður í dag. Tingið fer eisini í dag at hava aðru viðgerð um fíggjarlógina fyri 2015.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442