Vestmenningar eru raskastir at skjóta harur

Vestmenningar hava verið nógv raskastir at skjóta harur í ár.

Higartil hava vestmenningar skotið 643 harur, og tað er næstan tvær ferðir so nógv sum næsta bygdin, vísir ein uppgerð hjá Eyðfinni Magnussen, lívfrøðingi.

Higartil eru 4.674 harur skotnar á 431 túrum.

Í gjár vóru góð harulíkindi fyrrapartin, og tá vóru 394 harur skotnar á 40 túrum.

Fríggjadagin fingu níggju mans 64 harur í Eystara parti av Dalhaga í Vestmanna. Tað er eisini í tí hagapartinum, at flestu harurnar eru skotnar. Teir hava fingið 139 harur á trimum túrum.

Teimum á baki koma teir í Sjeyndum í Tjørnuvík, sum hava fingið 119 harur á sjey túrum.

Í Dalhaga, Eystaraparti í Vestmanna, hava teir skotið 139 harur, Sjeyndir, Norðan Kamb í Tjørnuvík 119 og Úti í haga á Bjørgum í Vestmanna 107 harur. Eingin annar hagapartur er komin uppum 100 harur.

Av bygdunum liggur Vestmanna fremst við 643 harum á 36 túrum, Sandavágur er næstfremst við 339 harum á 38 túrum og Sørvágur er triðfremst við 266 harum á 17 túrum.