Staðarnavnanevndin er nú vald av nýggjum

Staðarnavnanevndin er nú vald av nýggjum. Bjørn Kalsø, landsstýrismaður í mentamálum, hevur valt Eivind Weyhe, Anfinn Johannsen, Lenu Reinert, Kristin Magnussen og Stein Fossá at manna nevndina næstu fimm árini.

Staðarnavnanevndin umsitur løggilding av staðarnøvnum og hevur avgerðarrætt í hesum sambandi. Uppgávurnar hjá nevndini fevna millum annað um áseting av formi og stavseting av staðarnøvnum í almennari nýtslu, eitt nú á kortum, skeltum og í skúlabókum.

Staðarnavnanevndin virkar sambært reglugerð frá 6. juli 2010.