Avgerð fallin í prestamálinum í Nes sókn

Tað er niðurstøðan, nú ein drúgv kæruviðgerð er endað. 

Avgerðin um at seta Ova Brim í starv sum sóknarprest varð kærd 28. november í fjør. Kærarin, sum var ein av umsøkjarunum, metti millum annað, at fleiri limir í setanarbólkinum vóru ógegnigir. 

Í kæruni vísir hann á fleiri viðurskifti. Eitt nú, at deknurin í kirkjuni er pápi Ova Brim. Formaðurin í Kirkjuráðnum er systkinabarn pápa Ova Brim, og annar deknur í kirkjuni er kona kirkjuráðsformannin. Ein annar kirkjuráðslimur er beiggi konu formannin í Kirkjuráðnum. 

Men Mentamálaráðið heldur ikki, at tilknýtið til limirnar í setanarbólkinum er so nær, at talan er um ógegni. 

Tað eru bert tvey av teimum fýra, sum kærarin nevnir, sum sita í setanarbólkinum. Ein er systkinabarn pápa umsøkjaran, og ein er svágdur systkinabarnið hjá umsøkjaranum. Tað heldur mentamálaráðið ikki ger limirnar ógegnigar.

Ein samdur setanarbólkur mælti upprunaliga til, at Ove Brim var settur í starvið. Men Ove Brim náddi ikki at verða innsettur, áðrenn kært var um setanina. 

Tað er landsstýrismaðurin, sum setur prestar í starv.