Allir flokkar samráðast um fiskivinnunýskipanina

Í brævinum til landsstýrismannin í fiskivinnumálum, sum formennirnir í teimum fýra andstøðuflokkunum hava skrivað undir, stendur: 

"Um talan skal vera um eina veruliga samráðing og viðgerð í hesum álvarsmáli, so eru andstøðuflokkarnir samdir um, at allir flokkar eiga at samráðast í felag og við sama borð. Vit vilja at samgongan er opin um ta semju hon hevur gjørt, og at vit fáa alt neyðugt tilfar og allar greiningar", skriva also Kári P. Højgaard, Poul Michelsen, Høgni Hoydal og Aksel Johannesen.

Andstøðuflokkarnir hava verið á fundi við samgonguna um fiskivinnunýskipanina, men samgongan hevur ikki lagt sína semju fyri andstøðuna.

Í gjár segði landsstýrismaðurin í Fiskivinnumálum við Dag og Viku, at semjan ikki var búgvin at verða løgd fram alment enn.