Andstøðan hevur nú fingið fundarboð

Andstøðuflokkaranir hava nú fingið fundarboð at viðgera ta nógv umrøddu fiskivinnunýskipanina. 

Jacob Vestergaard, landsstýrismaður í fiskivinnumálum, hevur boðið formonnunum í øllum andstøðuflokkunum til fundar fríggjamorgunin klokkan 10.

Andstøðan hevur fýlst á, at hon ikki hevur fingið nakað at vita um ætlanina hjá samgonguni við fiskivinnunýskipanina, og ikki er tikin við til samráðingar. 

Jacob Vestergaard, landsstýrismaður, gav fríggjadagin samgonguni freist upp á 14 dagar at koma við einum lógaruppskoti, sum skal fara til hoyringar. 

Freistin ógildað

Men hesa freist hevur løgmaður ógildað. Løgmaður segði mánakvøldið, at andstøðan skal hava ein "fair" møguleika, sum hann málbar seg, at koma til veruligar samráðingar, og at 14 dagar frá seinasta fríggjadegi er ov tepur freist. 

Løgmaður legði afturat, at hann vil hava breiða semju um nýskipanina, og at tað merkir, at í øllum førum annar av stóru andstøðuflokkunum - annaðhvørt Javnaðarflokkurin ella Tjóðveldi - skulu vera við, umframt teir smáu flokkarnir.

Jacob Vestergaard hevur sagt seg vera sinnaðan at eftrlíka hesum ynski.

Og nú veðrur fundur við andstøðuna fríggjamorgunin klokkan 10.