Mærsk selur partabrøvini í Danske Bank

Danska reiðaríið A.P. Møller Mærsk hevur gjørt av at selja øll síni partabrøv í Danske Bank.

Tað boðar felagið frá í ársfrágreiðingini fyri 2014, skrivar Danmarks Radio. 

- Tað hevur í longri tíð verið eitt ynski frá okkara partaeigarum um at selja partabrøvini í Danske Bank, sigur Michael Pram Rasmussen, nevndarformaður í A.P. Møller Mærsk.

A.P. Møller Holdning, sum eigur AP Møller Fonden, eigur nú størsta partin í AP Møller Mærsk. 

A.P. Møller Mærsk hevur síðani 1928 átt stóran part av partabrøvunum í Danske Bank. Felagið hevur átt 15 prosent av samlaða kapitalinum í bankanum