Fáa ikki rokning frá Samhaldsfasta

Rokningar fyri Arbeiðsmarknaðargjaldið verða ikki sendar arbeiðsgevarum fyri januar og februar fyribils. 

Orsøkin er KT-umlegging av roknskaparskipanini hjá Arbeiðsmarknaðareftirlønargrunninum, boðar TAKS frá. 

Tá KT-umleggingin er liðug, verða rokningarnar sendar arbeiðsgevarunum, og tá verða eisini tey Arbeiðsmarknaðargjøld, ið eru fráboðað til Gjaldsskipanina, tikin burturav. 

Seinkaðu rokningarnar verða ikki renturoknaðar, so leingi KT-umleggingin varir.

Arbeiðsgevarar hava møguleika at avgreiða AM-gjaldið í Vinnuglugganum. Í Vinnuglugganum sæst bæði hvussu nógv skal rindast, eins og gjaldið kann avgreiðast har, upplýsir TAKS.