Viðurskifti hjá LGBT eiga at verða sjónligari

Viðurskiftini hjá samkyndum, tvíkyndum og transpersónum skulu verða sjónligari i skúlanum og aðrastaðni. Tað heldur LGBT, rørslan fyri samkynd, tvíkynd og transpersónar.

LGBT hevur sent skrivliga áheitan á Mentamálaráðið, Gigni, Føroya Lærarafelag, Føroya Pedagogfelag og onnur um at virka fyri, at LGBT-viðurskifti koma við í námsætlanina hjá fólkaskúlanum, og at LGBT-næmingar gerast ein munandi størri partur av fólkaskúlanum, miðnámsskúlunum og tænastunum hjá heilsufrøðingum í skúlunum.