120 mió. kr. í avlopi - 60 mió. í vinningsbýti

TF Holding og Fíggjarligt støðufesti fáa 60 mió. kr. at býta, nú Eik Banki hevði 100 milliónir krónur í vinningi eftir skatt í fjør.

TF Holding eigur 70 prosent av Eik Banka og Fíggjarligt støðufesti 30 prosent. 

Á aðalfundinum hjá Eik Banka kemur uppskot um at rinda 60 mió. kr. í vinningsbýti.

Útlánini hjá Eik Banka eru fimm milliardir krónur, og innlánini eru seks milliardir.  

Eik Banki væntar minni avlop í ár enn í fjør. 

Avlopið í fjør var góðar 120 mió. kr. fyri skatt, tað verður væntandi millum 50 og 80 mió. kr. í ár, tí kappingin millum peningastovnarnar er hørð.