Fólkatalið í Eysturkommunu vaks í fjør

Talan er um størsta fólkavøksturin í landinum eftir Tórshavnar kommunu.  

Í Leirvík og í Norðagøtu vaks fólkatalið, og tað minkaði í Syðrugøtu, við Gøtugjógv og undir Gøtueiði. 

Fólkavøksturin stendst serliga av, at tað eru fleiri, sum flyta til kommununa. 96 fólk fluttur úr kommununi í fjør, men 154 fluttu til kommununa. Nettotilflytingin var sostatt 58 fólk. 

Útstykking í Syðrugøtu

- Við fólkavøkstri fylgja eisini avbjóðingar. Nýggj útstykking í Syðrugøtu fer at vera klár seinni í ár, og kommunan má undir at útvega fleiri grundstykkir í hinum bygdunum eisini, sigur Jóhan Christiansen, borgarstjóri, við heimasaíðuna hjá kommununi. 

Samanlagt fyri allar Føroyar vaks fólkatalið við 543 íbúgvum í 2014. Við árslok í 2014 búðu 48.714 fólk í Føroyum.