Grønland vil prógva, at tað eisini eigur markelin

Grønland hevur sett sær fyri at prógva, at landið eigur sín bróðurpart av makrelinum í Norðuratlantshavi. Tí hevur landsstýrið sett 6,2 milliónir kr. av á fíggjarlógini til at gera royndir við makrelfiskiskapi í ár. Royndirnar skuklu gerast í Eystur- og Suðurgrønlandi.

Í fjør fiskaðu grønlendingar sløk 79.000 tons av makreli í Eysturgrønlandi, og fiskiskapurin eydnaðist væl.

- Tað hevur stóran týdning at nýta tað ríkidømið sum finst í grønlendskum sjógvi, og tí er neyðugt at gera royndirnar, fyri at prógva, at grønlendingar hava rætt til sín part av makrelinum, sigur landsstýrismaðurin í fiskivinnu og landbúnaði, Karl-Kristian Kruse við grønlendska kringvarpið.