Vilja hava kundar at brúka NemID í netbankanum

Bankarnir fara nú undir at seta viðskiftafólkini í NemID skipanina. Góðkennir tú ikki NemID reglurnar, verður netbankin óvirkin eftir 20. juni 2015. Hetta ávirkar ikki kontur ella lán á nakran hátt, einans atgongdina til bankan á netinum.

Kundin fær kontuavrit sendandi við postinum einaferð um mánaðin, um netbankin verður óvirkin. Hesi avrit kosta í dag 15 krónur fyri hvørt.

Góðtekur tú NemID reglurnar, verður ein NemID brúkari stovnaður sjálvvirkandi, og tú fær eitt lyklakort og fyribils atgongdarkotu við postinum og eina fyribilskotu við sms-boðum, um fartelefonnummarið er skrásett í Netbankanum.

Grein 52 fyrispurningur um skipanina

NemID er ein tænasta, sum Nets DanID veitir. Við NemID verður netbankalykilin varðveittur á eini lyklamiðstøð og ikki á tínari teldu ella teldli.

Netbankin verður sambært bankanum tryggari, tí umframt atgongdarkotuna skalt tú eisini hava títt lyklakort hjá tær, tá ið fíggjarligu viðurskiftini skulu avgreiðast.

Høgni Hoydal hevur sett Jørgeni Niclasen, landsstýrismanni í fíggjarmálum grein 52 fyrispurning um NemID tann 3. mars

Høgni Hoydal spyr millum annað, hvørjar heimildir bankarnir hava at krevja, at kundin verður innlimaður í donsku NemID skipanina, men enn er einki svar komið frá landsstýrismanninum.