Fleiri føroyingar í viðgerð fyri sterkari rúsevni

Í 2014 vóru 15 prosent av teimum, ið fingu viðgerð á Blákrossheiminum, í viðgerð fyri sterkari rúsevni. Í 2013 var tað talið uppi á 12 prosentum.

Ein av orsøkunum, til vøksturin, kann vera, at tað er lættari at fáa fatur á sterkum rúsevnum í Føroyum, og at meira er til, sigur Blákrossheimið í ársfrágreiðingini.

Flestu føroyingar, ið fara í viðgerð hjá Blákrossheiminum, fara framvegis í viðgerð, tí teir hava trupulleikar við alkoholnýtsluni, sambært ársfrágreiðingini.