Tryggja haldføran búskap nú og frameftir

Seinnapartin í gjár samtykti tingið, at landsstýrið skal leggja frágreiðing fyri tingið, sum aðalorðaskifti skal verða um. 

Løgtingið skal viðgera støðuna við fíggjarliga haldførinum í føroyska búskapinum við støði í frágreiðingini frá Búskaparráðnum á vári 2015.

Vánaligt haldføri

Frágreiðingin vísti, at haldførið í búskapinum er vánaligt - haldførisvísitalið er minus fimm. Um búskapurin hevði verið haldførur í longdini, hevði haldførisvísitalið víst null.

Tað var Kristina Háfoss úr Tjóðveldi, sum hevði lagt uppskotið til samtyktar fyri løgtingið.