Fólkapensjónistarnir fáa 350 krónur afturat

Hækkingin verður 350 kr. um mánaðin, sum geva 4.200 kr. um árið.

Trivnaðarnevndin hjá løgtinginum tekur undir við uppskotinum hjá Anniku Olsen, landsstýriskvinnu, um at hækka viðbótina.

Hækkingin er mett at kosta 23 milliónir kr. næsta ár, og 13,7 milliónir í ár, tí viðbótin verður latin fyri sjey mánaðir í ár. 

Nakað av pengunum fáa landið og kommunurnar aftur í skatti, í ár 4,8 milliónir kr., og næsta ár 8,2 milliónir kr., sæst í viðmerkingunum um uppskotið hjá landsstýriskvinnuni.