Helle Thorning-Schmidt á odda

Nýggj meiningakanning sum Voxmeter hevur gjørt, vísir, at nú liggur reyði vongurin hjá Helle Thorning-Schmidt á odda.

Reyði vongurin hevði fingið 50,5 prosent av atkvøðunum og blái vongurin hjá Lars Løkke Rasmussen, hevði fingið 49,1 prosent av atkvøðunum, um val var nú.

Alternativet ger munin

Tað er fyrstu ferð síðani í november 2013, at kanning hjá Voxmeter gevur reyða vonginum meir enn 50 prosent av atkvøðunum.

Ein orsøk er, at nýggi flokkurin, Alternativet, sum mælir til at Helle Thorning-Schmidt heldur fram sum forsætisráðharri, hevði fingið umboð í fólkatingið.

Eftir kanningini stendur flokkurin at fáa 2,2 prosent av atkvøðunum og fýra umboð í fólkatingið.