Kunnu gera sum teimum lystir við norðhavssildina

Fundurin um norðhavssildina var í London í gjár og í dag. Noreg, sum hevur formansskapin í samráðingunum, fer at boða til fundar aftur seinni í ár.  

Samráðingarnar nú eru um býtið í 2016 og árini eftir tað, tí londini eru givin við royndunum at fáa semju um 2015. 

Á fundinum í London vóru strandarlondini Føroyar, ES, Ísland, Noreg og Russland. Grønland var við sum eygleiðari.

Eingin kunngerð

Kunngerðin um føroyska fiskiskapin í ár er ikki lýst enn.

Hon var í Fiskivinnuráðnum fyri einum mánað síðani, men Fiskimálaráðið hevur ikki kunngjørt hana.

Í fjør samdust ES og Føroyar um, at føroyska kvotan í 2014 var 40.000 tons, hóast hini strandarlondini, eisini ES,  vóru samd um, at Føroyar bara áttu 20.000 tons.