Íslendingar endurnýggja flotan fyri 1,5 mia. kr.

Íslendskir reiðarar fara at brúka hálva aðru milliard krónur til at endurnýggja trolaraflotan, skrivar heimasíðan Fishupdate.

Trolaraflotin í Íslandi er vorðin gamal, nakrir trolarar eru 40 ár ella eldri.

Samstundis fara íslendskir trolarareiðarar nú burtur frá at arbeiða og frysta fiskin umborð.

Við einum undantaki verða nú bygdir ísfiskatrolarar, sum geva størri vinning og arbeiði á flakavirkjum.

12 trolarar

Næsta hálvt annað árið ætla íslendingar at byggja 12 trolarar, níggju ísfiskatrolarar, ein frystitrolara og tvey uppsjóvarskip í Turkalandi, skrivar Fishupdate.

Toskurin í íslendskum sjógvi er væl fyri, og kvotan er hækkað. Og uppsjóvarvinnan er eisini væl fyri.

Íslendska fiskivinnan hevur eisini fingið nýggjar marknaðir í USA og Evropa, serliga í Spania. 

Men Bretland er tó framvegis ein tann týdningarmesti marknaðurin hjá íslendsku fiskivinnuni.