- Tíðindi, mentan og ítróttur
Stórt bakkast fyri íslendsku makrelvirkini
Stórt bakkast fyri íslendsku makrelvirkini
Ísland hevur mist næst størsta marknaðin fyri makrel, nú Nigeria hevur sett bann fyri at innflyta fisk og nógvar aðrar vørur
14.07.2015 - 08:34
Sambært Morgunblaðnum í morgun seldi Ísland meira enn 20.000 tons av frystum makreli til Nigeria í fjør. Nigeria var saman við Russlandi størsti marknaður fyri makrel úr Íslandi.
Russland hevur eisini sett nøkrum stórum íslendskum útflytarum avmarkingar.
Hetta er stórt bakkast fyri makrelvirkini, nú íslendski fiskiskapurin er byrjaður av álvara.
Nigeria hevur eisini keypt makrel úr Føroyum. Nigeria er fimti størsti keyparin hjá føroyskum fiskaútflytarum.
Er kopiera
Nýggjastu sendingar í ÚV
Nýggjastu sendingar í SV
