Trappan ávirkar ikki skrúðgonguna á ólavsøku

Vegurin niðan Bryggjubakka, sum er grivin upp, verður hampaður, so skrúðgongan kann fara tann vegin á veg í og úr Havnar Kirkju.

Tróndur Sigurðsson, formaður í Byggi og býarskipanarnevndini hjá Tórshavnar kommunu, sigur, at grundin til at tað hevur sæð ógvusligt út í Vágsbotni í seinastuni, er, at tríggjar verkætlanir hava verið í gongd í senn. Trappan, vegurin og ein privat verkætlan.

Formaðurin hevur ikki hug til at áseta dagin, tá trappan verður liðug, men tað verður einaferð eftir ólavsøku.