Seðlarnir koma út umleið klokkan átta

Grindin, sum legði beinini í Sandágerði í gjárkvøldið, verður býtt í drápspartar, skrivar Tórshavnar Kommuna á heimasíðuni. Talan er um 142 hval og skinnini eru tilsamans 1009 í tali. Omanfyri 1100 fólk og 150 bátar eru á listanum.

Seðlarnir verða útflýggjaðir á Vestaru bryggju í morgun umleið klokkan 8. Meira verður at frætta eftir klokkan 7 í morgun, sigur kommunan á heimasíðuni.

Grindin varð funnin í Nólsoyarfirði um tíggju tíðina í gjárkvøldið og varð hildin til ein tíma seinni.