Lærarafelagið skal hava nýggjan næstformann

Føroya lærarafelag hevur fingið nýggjan nevndarlim, nú næstformaðurin, Jónleif Johannesen, er vorðin løgtingsmaður og hevur biðið um farloyvi úr nevndini til næsta aðalfund, tá hann stendur fyri vali.

Jacob Eli Olsen, fyrsti tiltakslimur og lærari í Eysturskúlanum, er komin í nevndina fyri Jónleif Johannesen.

Hósdagin í næstu viku fer nevndin í Lærarafelagnum at velja nýggjan næstformann.