- Tíðindi, mentan og ítróttur
Lóg Javnaðarfloksins krevur nýggjan formansskap
Lóg Javnaðarfloksins krevur nýggjan formansskap
Flokkurin fekk í gjár nýggjan næstformann og nýggja næstforkvinnu
![](https://kvf.fo/sites/default/files/styles/grein-ovasta-mynd/public/3e2588db12b737c23d7ed7b4668e6881.png?itok=D9XlKeZ-)
Jónleif Johannesen er formaður í tingbólkinum hjá Javnaðarflokkinum og nú eisini næstformaður floksins.
08.11.2015 - 14:51
Javnaðarflokkurin umskipaði í gjár formansskapin í flokkinum.
Eyðgunn Samuelsen var næstforkvinna og Heðin Mortensen var næstformaður.
Men lóg floksins sigur, at annar næstformaðurin skal vera formaðurin í tingbólkinum, og hin skal ikki vera tingfólk ella landsstýrisfólk.
Eyðgunn Samuelsen er landsstýriskvinna og Heðin Mortensen er tingmaður.
Nýggjur næstformaður er Jónleif Johannesen, sum er formaður í tingbólki Javnaðarfloksins. Nýggj næstforkvinna er Margit Stórá, sum starvsnevndin valdi í gjár.
Aksel V. Johannesen, løgmaður, er formaður Javnaðarfloksins.
Nýggjastu sendingar í ÚV
Nýggjastu sendingar í SV