Tax-free er ikki júst tað sama sum MVG frítt

Tá handlar lýsa við Tax-free degi, vænta fólk, at avlátturin svarar til meivirðisgjaldið, 20 prosent.

Men so er ikki altíð. Og tað var tað ikki hjá 39 handlum í Havn, sum seldu Tax-free leygardagin í farnu viku.

Fyrsta lýsingin hjá 39 handlum i Miðbýnum í Havn um Tax-free dagin 31.oktober var helst ikki í samsvari við lógina um marknaðarføring, sigur Brúkaraumboðið.

Nakað minni enn 20 prosent

Visit Tórshavn, sum samskipaði lýsingarátakið, vendi sær til Brúkaraumboðið fyri at fáa leiðbeining til at orða lýsingina.

Og so var lýsingin broytt, so hon var í samsvari við krøvini í lógini. 

Avslátturin var ikki 20 prosent, men millum 12 og 18 prosent, tá keypt var fyri meira enn 300 kr.

Fyrsta lýsingin nevndi bara 39 í Havn. Brúkaraumboðið bað fyrireikararnar skriva í lýsingina, hvørjir handlarnir eru.