Skal svara spurningum um Marknagilsdepilin

Annika Olsen spyr, um skúlin verður liðugur til ásettu tíð, og hvussu nógv hann fer at kosta. Hon sigur, at ósemjan, sum hevur tikið seg upp millum TG verk og Landsverk um Føroya størstu byggiætlan, hevur sátt iva, um skúlin verður liðugur til ásettu tíð næsta ár.

Annika Olsen sigur, at byggikostnaðurin er hækkaður fyrr, og spurningurin er nú, um tað aftur verður neyðugt at biðja løgtingið um 10 tals milliónir í eykajáttan til Marknagilsdepilin.

Bjørt Samuelsen spyr Rigmor Dam, um ætlanin er at heilt ella lutvíst at hita Marknagilsdepilin við grønari orku.

Hon vísir á, at tað er staðfest í samgonguskjalinum, at allir almenninir nybygningar skulu hitast við grønari orku, og hetta er ein ábyrgd, sum landsstýrið hevur.