Kvinna sprongt seg sjálva í luftina

Tvey fólk í París hava í morgun latið lív undir eini atsókn hjá løgregluni, tá ein kvinna við sjálvmorðsbumbu gjørdi av við seg

Løgreglufólk á varðhaldi í St. Denis, norðanfyri franska høvuðsstaðin, í morgun, eftir eina atsókn hjá løgregluni, sum fyrr í morgun kravdi tvey lív, tá ein kvinna sprongdi seg í luftina

Mynd: AP

Beinta Løwe

Bjarni Mohr

18.11.2015 - 08:47

Tvey fólk hava latið lív undir einari atsókn hjá fronsku løgregluni í morgun, skrivar BBC. Tey bæði fólkini lótu lív, tá ein kvinna sprongdi eitt belti við sprongievnum.

Tvey fólk eru handtikin, sigur BBC. Tað var tíðliga í morgun, at løgreglan fór inn í Saint Denis, ið er ein forstaður norðanfyri franska høvuðsstaðin, París.

Greinin heldur fram niðanfyri

New div after blockquote

BREAKING: Police official: woman killed in Paris police operation blew self up with suicide vest
— The Associated Press (@AP) November 18, 2015

Sambært BBC ger løgreglan atsókn móti einari íbúð, har fólk, ið verða hildin av hava hava samband við yvirgangsatsóknina, eru stødd.

Óváttað tíðindi vija vera við, at maðurin, ið er undir illgruna fyri at hava lagt atsóknina til rættis, Abdelhamid Abaaoud, er í íbúðini, og hevur girt seg inni har við belgiska Salah Abdeslam, ið er eftirlýstur í samband við atsóknina.