Borgarligt hjúnalag til fyrstu viðgerð í tinginum

Talan er um trý uppskot, sum verða viðgjørd undir einum og fara síðani í Rættarnevndina, Mentanarnevndina og Trivnaðarnevndina.

Tingkvinnurnar Sonja Jógvansdóttir, Bjørt Samuelsen, Kristianna Wither Poulsen og Hanna Jensen hava lagt uppskotini fram, har tað eina er gjørt fyri at leggja áherðslu á, at tað ikki skal verða gjøgligt við kirkjuligari vígslu av samskyndum.

"Ásetingin staðfestir, at tað, eins og siðvenja er, framvegis bert eru fólk av ymiskum kyni, sum verða vígd ella fáa kirkjunnar vælsignilsi av hjúnabandinum", stendur í uppskotinum.

Fall í 2013

Í viðmerkingunum til uppskotið um at gera tað møguligt hjá samkyndum at ganga saman í borgarligt hjúnalag, skriva uppskotssetararnir, at stundin er komin til, at samkynd verða javnsett við onnur, tá tað um borgararættindi ræður.

Sama lóg varð løgd fyri Løgtingið í tingsetuni 2013, men tá fall uppskotið. Rættindi hjá samkyndum hava fylt nógv í almenna rúminum seinastu árini.

Tað eru 9 ár síðani, at grein 266b varð broytt til eisini at verja fólk samsvarandi kynsligari sannføring. Løgtingið fer undir fyrstu viðgerð av málinum klokkan 10 fyrrapartin í morgin.