Sjey søktu stjórastarvið

Býráðið í Sunda kommunu hevur samtykt at hava ein fólkaskúla í kommununi, og hann verður við Streymin og byrjar næsta skúlaár.

Í tveimum skúladømum hava fólk tó biðið um fólkaatkvøðu um avgerðina at leggja skúlarnar í bygdunum niður.

SÍ EISINI Fólk vilja hava fólkaatkvøðu um samanlegging

Fólkaatkvøða verður um tveir mánaðir um skúlan í Hósvík og um skúlan í Hvalvík, sum eisini er fyri Streymnes og Saksun.

Býráðið fer at virða úrslitið av fólkaatkvøðunum, hevur borgarstjórin sagt. Verður meiriluti fyri at varðveita skúlarnar, halda teir fram í Hósvík og Hvalvík, men sum partur av Skúlanum við Streymin.