Báðir hagapartarnir skjótt vetrarfriðaðir

Eiðis kommuna hevur gjørt sáttmála við Norðurhelvt, annan av hagapørtunum, um vetrarfriðing. Kommunan gjørdi í fjør sáttmála við hin hagapartin, Suðurhelvt, ið eisini hevur vetrarbit í bygdini.

Arbeiðið at vetrarfriða er drúgt, men nú sáttmálarnir eru komnir undir land, er klárt at vetrarfriða, og arbeiðið byrjar eftir ætlan í summar, skrivar heimasíðan hjá Eiðis kommunu.

Kommunan samtykti í fjør, at sáttmálarnir skuldu í mesta lagi kosta kommununi 1,2 milliónir fyri mist vetrarbit, og hámarkið heldur. Enn er ymist eftir at gera, eitt nú skulu rulluportur endaliga staðsetast.