Ikki komin á listan - enn

Havnar Framburðsfelag, sum er valfelagið hjá Fólkaflokkinum í Suðurstreymoy, hevði fyrsta uppstillingarfund til býráðsvalið í Havn í gjárkvøldið.

Sólvit Nolsøe, formaður í Havnar Framburðfelag, sigur, at Annika Olsen ikki er millum nøvnini á listanum enn.

Fólkaflokkurin skal hava tríggjar uppstillingarfundir áðrenn endaligi valevnislistin er liðugur og verður kunngjørdur.

SÍ EISINI Annika skal koppa Heðini

Tað hevur ljóðað, at Annika Olsen, sum herfyri fór upp í aftur Fólkaflokkin, skal vera borgarstjóravalevni hjá Fólkaflokkinum til býráðsvalið í Havn í november.

Annika Olsen sigur í dag við Útvarpið, at hon hevur ikki tikið støðu til um hon fer at stilla upp til býráðsvalið. Í løtuni hevur Fólkaflokkurin tvey umboð í Tórshavnar býráði.

Annika Olsen fekk 467 atkvøður í Tórshavnar kommunu á løgtingsvalinum 1. september. Næsti uppstillingarfundur hjá Havnar Framburðsfelag verður í mars.