Sí øll nøvnini: Her er nýggja Fólkaheilsuráðið

Magni Mohr er nýggjur formaður í Fólkaheilsuráðnum. Hann tekur við eftir Pál Weihe, sum hevur verið formaður í ráðnum í nógv ár.

Landsstýriskvinnan í heilsumálum útnevndi í dag eitt nýtt fólkaheilsuráð. Allir nevndarlimirnir eru skiftir út. Tey, sum nú fara frá, hava verið í ráðnum í 11 ár, síðani 2005.

Magni Mohr starvast sum lektari í heilsuvísindum á Fróðskaparsetrinum. Hann hevur master- og ph.d.-útbúgving í ítróttarfysiologi frá lærda háskúlanum í Keypmannahavn.

Frammanundan hevur Magni Mohr verið granskari uttanlands, millum annað við lærdu háskúlarnar í Gøteborg og Keypmannahavn.

Hesi manna nú Fólkaheilsuráðið

● Magni Mohr, formaður

● Kathrina Lindenskov Holm, næstforkvinna

● Petra Arge Poulsen

● Katrin Danielsen

● Jón Klein Olsen

● John Henrik Holm

● Elin Ludvig

Í Fólkaheilsuráðnum eru sjey fólk, sum landsstýrisfólkið í heilsumálum tilnevnir fyri fýra ár í senn. Landsstýrisfólkið velur formann ella forkvinnu og næstformann ella næstforkvinnu millum limirnar í ráðnum.