Mótmæla ætlanini at varðveita tunnilsgjøldini

Sambandsfeløgini í Norðoyggjum og í Vágum skipa fyri, og fundurin hjá Norðoya Sambandfelag verður í Klaksvík hóskvøldið.

Hóast lánið í Vágatunlinum er um at vera goldið, hevur landsstýrismaðurin givið nevndini í Vágatunlinum boð um, at felagið framvegis skal reka tunnilin og taka bummgjald.

Viðlíkahaldið er kostnaðarmikið

Tað er framvegis ein spurningur, hvussu lógin um undirsjóvartunlarnar skal tulkast, og um feløgini, sum reka tunlarnar eisini skulu gjalda tann partin av kostnaðinum, sum Løgtingið hevur sett í.

Henrik Old vísir haraftrat á, at tað kann gerast trupult at útvega nóg mikið av peningi til at viðlíkahalda Vágatunnilin, um hann verður partur av landsvegakervinum.

Norðoya Sambandsfelag, sigur, at tað er fullkomiliga burturvið, at landsstýrið skal víkja frá upprunaligu ætlanini, sum var, at bummgjaldið skuldi brúkast til at gjalda lánini í Vága- og Norðoyatunlinum.

SÍ EISINI Felagið skal framvegis reka Vágatunnilin

Tað er óseriøst og meiningsleyst, at tey, sum eru bundin av at brúka undirsjóvartunlarnar, skulu fíggja henda partin av vegakervinum einsamøll.

Tað er eitt krav, at allir borgarar í landinum rinda fyri landsvegakervið, sigur Norðoya Sambandsfelag.

Fundurin hjá Vága Sambandsfelag um gjaldið í undirsjóvartunlunum verður í næstu viku.