Belgiskir fjølmiðlar vísa myndir av samsekum

Islamsku statur boðar nú frá, at felagsskapurin atekur sar ábyrgdina av yvirgangsatsóknunum. Tað sigur enskttalandi útgávan av tíðindastovuni hjá IS, Amaq, í einum boðum.

Belgiskir myndugleikar hava ikki váttað, at samband er millum álopini og at Salam Abdeslam varð handtikin.

SÍ EISINI Føroyingur millum tey særdu í Brússel

Men Abdeslam segði, tá hann varð handtikin fríggjadagin, at hann hevði eitt netverk, sum hevði lagt ætlanir fyri fleiri nýggj álop.

Landasorg er lýst av verða í Belgia í tríggjar dagar.  Teir 28 ríkisleiðararnir í ES  siga í felags fráboðan, at álopini í Brússel styrkja teirra vilja um at verja evropisk virði.

- Vit vilja standa saman og sterk í stríðnum mót hatri, harðskapi, ekstremeismu og yvirgangi, stóð í felags fráboðanini hjá ES.

Fleiri politiatsóknir hava verið

Belgiskir fjølmiðlar skriva nú, at fleiri politiatsóknir hava verið í tveimum býarpørtum.

Atsóknirnar verða settar í samband við yvirgangsálopini og møguliga leitanina eftir ávísum persónum, sum eru sæddir í upptøkum frá vakmyndatólum á flogvøllinum í Brussel.

Belgiskir mydugleikar hava heitt á fjølmiðlar um ikki at almannakunngerða upplýsingar um politiatsóknirnar og hvar tær eru, og tí er lítið at frætta um, hvat hendir í leitanini eftir teimum samseku.