Soleiðis kanst tú drekka og dansa alment á páskum

Tað er sama spurningur á hvørjum ári:

Nær hava dansi- og skeinkistøð loyvi at hava opið um páskir?

Tað stutta av tí langa - tú mást einans dansa alment páskaaftan eftir midnátt, og tú kanst drekka alment meginpartin av páskadøgunum, men tú mást ikki larma.

Løgreglan hevur gjørt eitt yvirlit, ið byggir á halgidagslógina:

Skírisdag (hósdagin) er ikki loyvi at hava dans yvirhøvur.  Loyvi at skeinkja frá kl. 11 til 23.45, men tú mást ikki larma.

Langafríggjadag er ikki loyvi at hava dans yvirhøvur. Loyvi er at skeinkja frá kl. 11 til kl. 24, men tú mást ikki larma.

Páskaaftan (leygardagin) er loyvi at dansa frá kl 00.01 til kl. 03.45 (leygarmorgun). Loyvi er at skeinkja frá kl. 00.01 til kl. 03.45 (leygarmorgun) og kl. 11.00 til kl. 24.00 (leygardag)

Páskadag (sunnudag) er ikki loyvi at hava dans yvirhøvur. Loyvi er skeinkja frá kl. 11 til 23.45, men tú mást ikki larma frá kl. 11. til kl. 16.