Halda lítið um frámælið

Landsstýriskvinnan eigur at síggja burtur frá meginpartinum av grundgevingunum fyri frámælinum hjá Býarskipanarnevndini hjá landinum, um ikki at loyva Tórshavnar havn at byggja út.

Tað sigur Tórshavnar kommuna í svarinum til Innlendis- og heilsumálaráðið, eftir at Býarskipanarnevndin hjá landinum hevur mælt frá, at kommunan sleppur at byggja havnina út.

SÍ EISINI Mæla frá at bygt verður út

Kommunan heldur ikki, at niðurstøðan hjá Býarskipanarnevndini hjá landinum byggir á faklig, býarskipanarlig, umhvørvislig og tekninsk viðurskifti.

Tórshavnar kommuna heldur, at niðurstøðan í størstan mun er bygd á almennu umrøðuna av málinum, verður sagt í svarskrivinum.

Tórshavnar kommuna hevði freist til í dag at svara. Sirið Stenberg, landsstýriskvinna í kommunumálum, tekur endaligu avgerðina í málinum.