Fyrsti fundur um stjórnarskipanina í dag

Í morgun hittast allir floksformenninir til fundar um eina føroyska stjórnarskipan. 

Higartil hevur royndin um eina stjórnarskipan ongantíð borið á mál, men samgongan ætlar, at fólkaatkvøða skal vera um stjórnarkipanina í 2017. 

Men floksformennirnir í stóru flokkunum í andstøðuni hava víst á, at teir leypa ikki á leistum.

Bárður Nielsen, formaður í Sambandsflokkinum, hevur sagt við útvarpið, at hann fer á fundin fyri at vita, hvat gongur fyri seg, men vil ikki siga, um Sambandsflokkurin verður við í stjórnarskipanararbeiðinum. 

Jørgen Niclasen, formaður í Fólkaflokkinum, fer eisini á fund, men vil heldur ikki siga, um Fólkaflokkurin verður við í arbeiðinum. 

Sjúrður skifti flokk

Hann vísir til ósemjuna millum Tjóðveldi og Sjúrð Skaale í 2011, sum elvdi til, at Sjúrður Skaale fór úr Tjóðveldinum, og seinni fór upp í Javnaðarflokkin.

Jørgen Niclasen vil fyrst hava at vita, um Tjóðveldi og Javnaðarflokkurin eru samd um stjórnarskipanina.

Eitt uppskot skal leggjast fyri tingið, áðrenn fólkaatkvøða um stjórnarskipan kann haldast.

Fundurin byrjar klokkan 9.